उडाला भडका
वाजवा डंका
पेटवा लंका
पेटली मशाल क्रांतीची
सर्वत्र विखारी नाग
धुमसली आंतरिक आग
भडकला सार्वजनिक राग
पेटली मशाल क्रांतीची
स्फुरले तारुण्य
सळसळले रक्त
हादरले मदांध तख्त
पेटली मशाल क्रांतीची
काव्य केले शस्त्राने
रक्त सांडले लेखणीने
भूमीस लाल-अभिषेक
पेटली मशाल क्रांतीची
प्रती-सृष्टीचा उष:काल
भास्कराने पुनश्च: डोळे उघडले
झाले मुक्त आकाश सारे
पेटली मशाल क्रांतीची
आता,
तुचं तुझा चित्रकार
तुचं तुझा शिल्पकार
तुचं देणार या प्रतिसृष्टीस आकार...
No comments:
Post a Comment